Ticket Box Update – Sengkuni 2019 Mampir Surabaya

Rek, wingi dino pertama panitia mbukak Tiket Box. Nyatane, sing ate pesen wis uakeh. Masiyo sounding-e mek lewat Medsos, HPne Cak Debby begitu datae dibukak langsung akeh WA mlebu. Beberapa langsung pesen tiket, sisane jik takon-takon, butuh info sing luwih komplet. Durung kabeh pertanyaan sempet dijawab Cak Debby, sampek dibantu konco panitia liane. Sing pesen langsung di follow up. Enek 15 wong sing langsung COD nang Sekretariat panitia, Jl. Pandegiling 338 Surabaya.

Sing pitakonane durung sempat dijawab, Panitia njaluk sabar lan pengertiane yo !.  Termasuk pertanyaan sing sakjane mbencekno lan nggak perlu jawaban serius. Hehehe… ya ngene ki rek, resiko dadi panitia sing kudu iso ngladeni karepe wong akeh.

Sing njaluk kortingan, sepurane sing akeh.. Ayo njajal diitung, kiro-kiro entek piro biaya sing  digae sewo enggon, penginepan, transportasi (Yogya-Surabaya pp) sak mangane pemain lan crew, trus kesele latihan lan ilange penghasilan poro pemain sing persiapane sampek 3 wulan luwih, nggae kostum, nyiapne properti panggung plus kebutuhan liyane. Maksude, rego tiket sakmono iku termasuk murah pol…

Sampek isuk iki jumlah total sing pesen tiket wis 80 wong. Sing durung pesen isok kontak cak Debby utowo langsung teko nang Pandegiling.

Pengalamane Panitia Jogya neng pementasan rong minggu winginane, tiket wes Sold Out  H-8 sakdurunge dino pagelaran.

Ngge tambahan informasi, sing tau nontok Tikungan Iblis, Presiden Balkadava, lan Nabi Darurat Rasul Ad-Hoc, mestine paham, nek iki ngono gak mek pertunjukan utowo pementasan teater biasa. Loh, maksude yak opo ? Jawabane: Ayo, ndang age-age kontak panitia. Ojo sampek ra keduman tiket.

 

Surabaya, 3 Februari 2019